الكود
357159
لا اله الا الله وحده لا شريك له له الملك وله الحمد يحيي ويميت وهو علي كل شئ قدير
صلوا علي شفيعنا يوم القيامة
اللهم صلِّ وسلم وبارك على سيدنا محمد
اولا تتعاملى مع شعرك معاملة صحية صحيحة والمعاملة الصحية و الصحيحة تكون من بداية الطعام الصحى المتكامل الغنى بالحديد والبروتين والفيتامينات
وخليها فى بالك دايما ان الشعر زى العمارة محتاجة لمعدات ومواد بناء ومحتاجة الى اسمنت
الاسمنت للعمارة يقابله الحديد والبروتين للشعر
مفيش عمارة هتتبنى من غير اسمنت
وبرضو الشعر مش هيتكون بدون حديد وبروتين الى هو اساس تركيبته
وطبعا فيه عناصر اخرى زى الزنك والفيتامينات ودول بيكونوا متوفرين فى الخضار والفواكهة وسهل الحصول عليهم من قرص فيتامينات
الى مش سهل الحصول عليهم هو الحديد والبروتين
عشان كدا مهم جدا تناول ما يحتوى على حديد بكثرة ل
ثانيا كل اسبوع او بالكتير اسبوعين تعملى حمام زيت من زيوت طبيعية تحتوى على الكبريت مثل
الجرجير
وحبة البركة
وايضا زيوت اخرى فيها فيتامينات مفيدة للشعر زى اللوز
والخروع
والجو هند
وزيت الزيتون
وزيوت محفزة لبصيلة الشعر ومفتحة للمسام مثل
النعاع
والروز مارى
والمريمية
والقرنفل
شوفى ايه متوفر وإعمليه
و بعد ان تدلكيه جيدا اتركى الزيت مش اقل من ساعتين
ممكن اكتر بس مش اقل
وغطيه ببونيه بلاستيك عشان حرارة الراس تحتفظ بها
ثالثا خففى الشامبو 1 الى 5 وقت الإستعمال لانه بيقلل التأثير الضار للشامبو وبيجعل الشعر اقل جفاف
وغسيل الشعر بيختلف من واحدة لاخرى
فيه واحدة شعرها دهنى و بتعرق كتير وبتتعرض لملوثات والافضل لها غسله كل يومين او 3 ايام بالأكثر
وفيه واحدة لا تتعرض لملوثات وشعرها غير دهنى ممكن تتركه 5 ايام وعلى الاكثر اسبوع
رابعا إستعمال حمام كريم مغذى ممكن تضيفى ملعقة زيت زيتون
وملعقة زيت جوجوبا الى كمية حمام الكريم وتدلكى به شعرك جيدا مدة لا تزيد عن 5 دقائق
وغلط جداااااا اننا نسيب اثر لحمام الكريم فى الشعر ويفضل تسليكه بالحمام الكريم برفق وبدون شد
وحمام الكريم ليس مع كل غسيل
كل اسبوع لو شعرك شديد الجفاف او بالكتير كل 5 ايام
لو عايزة تعملى حمام كريم طبيعى وتتركيه زى ما انتى عايزة بس محتاج كمية شامبو بسيطة لغسله
بيضة
زيوت طبيعية
عسل ابيض
لبن بودرة
منقوع مائى من الروز مارى والبردقوش والكاموميل
لو فيه سقوط وفراغات فى الشعر ممكن إضافة توم مفرى كمية مناسبة
إضربيهم كويس حتى يتجانسوا ودلكى بيهم شعرك واتركيه مش اقل من ساعة وممكن اكتر مع التغطية ببونيه
وممكن إضافة زيت التوم بدلا من التوم المفرى
زيت التوم بيتعمل بتوم مفروم
يوضع زيت زيتون يغمره بمسافة سنتيمتر فقط
يوضع فى الفريز حتى يجمد لتانى يوم
يوضع مباشرة بعد خروجه متجمد على حمام مائى على النار لمدة ساعة
يترك يبرد
يصفى بشاشة مع العصر الجيد
خامسا لو شعرك شديد الجفاف ضعى قطرات من الزيت او الكريم المغذى ووزعيه جيدا
وانا افضل منتجات زبدة الشيا او زيت الجوجوبا او زيت الحية
سادسا غطيه بفوطة او إيشارب قطنى مهم جدا الإيشارب القطنى لكى يعادل الشحنات التى تركها الشامبو على الشعر
ليه اى حاجة قطنية ؟
عشان غسيل الشعر بيكسب الشعر شحنات ومع تبخر الماء الشحنات ممكن تتنافر مع بعضها وتلاقى الشعر هايش وتغطية الشعر بحاجة قطنية بتساعده فى التخلص من هذه الشحنات يعنى الافضل تغطية الشعر الى ان يجف بايشارب من القطن
ولو عايزة تستخدمى مجفف للشعر يكون يعد ان ينشف الشعر بنسبة 50 % وليس والشعر مبلول
او لو مش عايزة تستخدمى المجفف تلفى على روول ( بكر )
او لو مفيش وقت على الاقل تلفى الجزء الامامى على 2 او 3 روول ( بكر ) مناسب لطول شعرك والجزء الخلفى
على روول واحدة
ويغطى بايشارب قطنى
ولو عايزة تستخدمى مجفف للشعر يكون يعد ان ينشف الشعر بنسبة 50 % وليس والشعر مبلول
ليه ؟
لان لو الشعر مبلول الماء هيكون كتير ويصل لدرجة عالية من الحرارة وهيكون مهلك للشعر اكتر من حرارة السشوار نفسه
ممكن تسليط المجفف من بعيد وبهواء ليس ساخن جداا حتى لا يوصل الماء الى درجة عالية تؤذى الشعر
اهم نقطة هى نقاوة الزيوت المستعملة للشعر وان تكون خالية من زيت البرافين
تعليقات
إرسال تعليق